HISTORIA FUPI YA IR-VICOBA

HISTORIA YA MWONGOZO WA IR-VICOBA

Chimbuko la mwongozo wa IR-VICOBA ni mkutano wa wadau wa VICOBA vya waumini wa dini mbalimbali uliofanyika mjini morogoro mwezi mach 2010. Wadau hawa walikutana mjini morogoro kujadili maendeleo ya utekelezaji wa mpango wa uendeshaji wa VICOBA vilivoanzishwa kwa juhudi za taasisi za dini mbalimbali na baadhi ya mashirika ya dini. Kutokana na changamoto zilizojadiliwa katika ngazi mbalimbli wadau walikubaliana kurejea kitini cha mwongozo cha mpango wa VICOBA cha 2008 chaWCRP. Baada ya maboresho hayo ambayo yamejibu mapungufu yaliyokuwepo awali, dini mbalimbali zilitoa mwongozo wa kufundishia na uendeshaji wa vikundi vilivyo chini yao, yaani IR-VICOBA.

Neno VICOBA ni kifupisho cha ‘Village Community Banks’ Mpango wa VICOBA ulianzishwa mwaka1991 katika nchi ya Niger Na shirika la kimataifa la CARE. Niger katika wilaya ya Maradu ukijulikana kwa jina Mata Masu Dubara (MMD)

MMD ilihamasisha vikundi vya akiba na mikopo kwa mfumo wa upatu wa asili ulioboreshwa ambao kwa Tanzania unaitwa VICOBA Fedha zinazo wekezwa kwenye kikundi hutumika kuwakopesha wanachama kwa ajili ya kuendeshea shughuli mbalimbali za kiuchumi.

Mfumo wa MMD uliingia Tanzania visiwani katika eneo la Jozan mwaka 2000 na kuitwa Jozani Savings and Credits Association (JOSACA). Mwaka 2002 WCRP(World Conference of Religions for peace) Tanzania walianzisha mpango huu kwa majaribio katika kata ya ukonga, wilaya ya Temeke, Mkoa wa Dar es salaam na wilaya ya kisarawe mkoa wa pwani kwa mara ya kwanza mpango uliitwa Village Community Banks (VICOBA) na WCRP Tanzania baada ya kujifunza mfumo wa JOSACA Zanzibar.

Mfumo huu kwa Tanzania unajulikana kwa majina mengi kama COCOBA, SILK Tanzania, VICOBA, na JOSACA. Kwa Tanzania tayari mfumo huu umeweza kufika katika mikoa ya Dar es salaam, pwani, Tanga, Arusha, Iringa, Mbeya, Ruvuma, Kigoma, Shinyanga, Mwanza, Mtwara, Singida, Manyara, Dodoma na Njombe, Mtwara na Geita kwa kupitia mashirika yanayo tekeleza shughuli mbalimbali za kuinua kipato cha mwananchi.

Kuanzia mwaka 2007, taasisi za dini zilianza kutoa mafunzo kuendesha na kuunda vikundi vya VICOBA kwa ufadhili wa shirika la Norwegian Church Aid (NCA) Tanzania ili kutofautisha kati ya vikundi hivi na vikundi vinavoanzishwa na taasisi nyingine ndio maana vikundi vyote vilivoanzishwa na taasisi za dini vinaitwa ‘Inter Religious VICOBA (IR-VICOBA).

Pongezi kwa; CCT (Christian Council Tanzania), TEC (Tanzania Episcopal Conference), BAKWATA (Baraza Kuu la Waislamu Tanzania), ELCT’S (Evangelical Lutheran Church in Tanzania), IRCPT (Inter Religious Council for Peace in Tanzania), AEE-T (African Evangelistic Enterprise -Tanzania)

Thanks For Visiting, Our Website Come Again For News, Advertisement And Good Articles

Keep This blog site In Your Mobile For More Updates

Facebook Blogger Plugin by Tanzaniastar